దోహా: ఏప్రిల్ 27 2023 రోజున, దోహా ఖతార్ లోని తెలుగు కళా సమితి వారు, కళాబ్రహ్మ, శిరోమణి, డాక్టర్ వంశీ రామరాజు కి ఉగాది ఉత్సవాల సందర్భంగా, పోదార్ పెరల్ స్కూల్ ఆడిటోరియం దోహా-ఖతార్ లో సత్కరించారు.అలాగే ఏప్రిల్ 28 2023న, ఆల్కార్ కమ్యూనిటీ బాల్ రూమ్ లో ఉగాది వేడుకల సందర్భంగా కూడా డాక్టర్ వంశీ రామరాజు గారిని సత్కరించారు.

దోహా కతార్, తెలుగు కళా సమితి, అధ్యక్షులు తాతాజీ ఉసిరికల, డాక్టర్ వంశీ రామరాజు కి 'కళాసేవ జీవిత సాఫల్య' పురస్కారాన్ని  సగర్వంగా ప్రకటించారు. 

కర్రీ పద్మ, ప్రథమ కార్యదర్శి (పొలిటికల్ మరియు ఇన్ఫర్మేషన్) చేతుల మీదుగా ఈ పురస్కారాన్ని, వంశీ రామరాజు కి బహూకరించారు.

దయా హాస్పిటల్స్, విశాఖపట్నం, సంచాలకులు ప్రవాసి స్త్రీ శక్తి (ఆటా, అమెరికా) గ్రహీత, డాక్టర్ రాజా రామ పద్మజ, కొత్త అధ్యక్షులు హరీష్ రెడ్డి దాసరపల్లి, అబ్దుల్ రెహమాన్, అధ్యక్షులు, ఇండియన్ స్పోర్ట్స్ కౌన్సిల్ (ISC-ఖతర్) దీపక్ శెట్టి, ఉపాధ్యక్షులు, ఐసిబిఎఫ్, ఖతార్,కె.ఎస్ ప్రసాద్,సత్యనారాయణ మలిరెడ్డి, టికేఎస్ ఫౌండర్ మెంబర్, ఐసీసీ కమిటీ మెంబర్, (ఇరువురు ప్రస్తుత నూతన ఎగ్జిక్యూటివ్ కమిటీ సభ్యులు) వేదికను పంచుకున్నారు.. సేవా మూర్తి సీతాపతి అరికరేవుల కూడా పాల్గొన్నారు.

ప్రముఖ గాయని గాయకులు, యువకులు, ప్రాజ్ఞులు వారి మధురమైన గాత్రంతో చక్కటి సుస్వర సంగీత పాటలు పాడి ప్రేక్షకుల్ని అలరించారు.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)