గత కొద్ది రోజులుగా బహ్రెయిన్‌లోని పలు స్కూళ్ళపై తీవ్రవాదులు దాడులు చేసినట్లు ఎడ్యుకేషనల్‌ అథారిటీ వర్గాలు వెల్లడించాయి. ఎడ్యుకేషన్‌ మినిస్ట్రీ జారీ చేసిన ప్రకటనలో దేశంలోని పలు ప్రాంతాల్లో నాలుగు స్కూళ్ళపై తీవ్రవాదులు దాడులు చేశారని పేర్కొంది. టుబ్లి ఎలిమెంటరీ బాయ్‌ స్కూల్‌కి వెళ్ళే రోడ్డుని టైర్లు, కాంక్రీట్‌ స్లాబ్స్‌తో మూసివేశారనీ, అల్‌ ఫరాబి ఇంటర్మీడియట్‌ స్కూల్‌ గేట్‌ వద్ద వేస్ట్‌ బిన్‌ని తగలబెట్టారనీ ఎడ్యుకేషన్‌ మినిస్ట్రీ వెల్లడించింది. బురి ఎలిమెంటరీ బాయ్‌ స్కూల్‌లోకి చొరబడ్డ తీవ్రవాదులు, స్టీల్‌ బ్యారియర్‌ని దొంగిలించగా, ఎతుమాన్‌ బిన్‌ అఫ్ఫాన్‌ ఎలిమెంటరీ అండ్‌ ఇంటర్మీడియట్‌ బాయ్స్‌ స్కూల్‌పై రాళ్ళతో దాడి చేశారనీ, ఈ ఘటనలో భవనం ధ్వంసమయ్యిందని మినిస్ట్రీ వివరించింది. గడచిన ఐదేళ్ళలో విద్యా సంస్థలపై 498 దాడులు జరిగాయని మినిస్ట్రీ పబ్లిక్‌ రిలేషన్స్‌ అండ్‌ మీడియా డైరెక్టరేట్‌ వెల్లడించింది