కువైట్: ఎగుమతి చేయడం నిషేధించబడిన పెట్రోలియం డెరివేటివ్ (డీజిల్) 33 కంటైనర్లను స్వాధీనం చేసుకున్నట్లు కువైట్ జనరల్ అడ్మినిస్ట్రేషన్ ఆఫ్ కస్టమ్స్ ప్రకటించింది. డీజిల్ కంటైనర్లను స్వాధీనం చేసుకున్న తరువాత ఉత్తర నౌకాశ్రయాలు, ఫైలాకా ద్వీపం ఇన్‌స్పెక్టర్లు వాటిని కువైట్ నేషనల్ పెట్రోలియం కంపెనీ (కెఎన్‌పిసి)కి అప్పగించినట్లు పేర్కొంది. కంటైనర్లు గల్ఫ్ దేశాలలో ఒకదానికి వెళుతున్నట్లు గుర్తించినట్లు తెలిపారు. కువైట్ ఫైర్ ఫోర్స్ సమన్వయం, సహకారంతో కెఎన్‌పిసికి చెందిన ట్యాంకుల్లో కంటైనర్‌లను అన్‌లోడ్ చేశామని వెల్లడించింది. ఈ సందర్భంగా KNPC, కస్టమ్స్ వేగవంతమైన ప్రతిస్పందనకు జనరల్ అడ్మినిస్ట్రేషన్ ఆఫ్ కస్టమ్స్ డైరెక్టర్ జనరల్ సులైమాన్ అల్-ఫహద్ అభినందించారు.