కొత్తా, పాతా అనే తేడా లేకుండా టాలెంట్ వున్న డైరెక్టర్లను ఎంకేజ్ చేయడంలో బాలయ్య ఎప్పుడూ ముందుంటారు. అందుకే ప్రాజెక్టుల మీద ప్రాజెక్టులు ఓకే చేస్తూ కుర్ర హీరోలను మించి హుషారు మీదున్నారు ప్రస్తుతం బాలయ్య.
ఈ నేపథ్యంలో కొత్త కొత్త డైరెక్టర్లు సైతం బాలయ్యతో సినిమా చేయాలని ఉవ్విళ్లూరుతున్నారు. ఆ లిస్టులో ‘బలగం’ డైరెక్టర్ వేణు కూడా చేరిపోయాడు.  
కమెడియన్‌గా సుపరిచితుడైన వేణు ఇటీవల ‘బలగం’ అనే సినిమాతో మంచి హిట్ కొట్టి జోష్ మీదున్నాడు. విమర్శకుల ప్రశంసలు అందుకుంది ఈ సినిమా. 
మళ్లీ తెలంగాణా నేపథ్యంలోనే ఓ కథకి శ్రీకారం చుట్టాడట. ఆ సినిమాలో బాలయ్యను హీరోగా చూడాలనుకుంటున్నాడట. బాలయ్యకి కూడా ఈ కథ వినిపించినట్లు ఇన్ సైడ్ సోర్సెస్ ద్వారా అందుతోన్న సమాచారం.
బాలయ్య ఊ అంటే ఈ ప్రాజెక్ట్ సెట్ అయిపోయినట్లే అని తెలుస్తోంది. చూడాలి మరి ఏం జరుగుతుందో.!