మస్కట్ : అల్ దహిరా గవర్నరేట్‌లో వాహనం, మోటార్‌సైకిల్ ఢీకొన్న ఘటనలో ఒక ప్రవాసుడు మృతి చెందగా, మరొకరికి తీవ్ర గాయాలయ్యాయి. అల్ దహిరా గవర్నరేట్‌లోని విలాయత్ ఆఫ్ ఇబ్రిలో ఒక వాహనం మోటార్‌సైకిల్‌ను ఢీకొట్టింది.ఈ ఘటనలో ఆసియా జాతీయతకు చెందిన మోటర్‌సైకిలిస్ట్ మరణించాడు. మరొకరికి తీవ్ర గాయాలు అయ్యాయని రాయల్ ఒమన్ పోలీస్ (ROP) అధికారి తెలిపారు.గాయపడిన వ్యక్తిని వెంటనే చికిత్స నిమిత్తం ఇబ్రి ఆసుపత్రికి తరలించినట్లు సదరు అధికారి వెల్లడించారు.వాహనాలు మరియు ద్విచక్రవాహనాల డ్రైవర్లు ట్రాఫిక్ భద్రతా నియమాలు, నిబంధనలను పాటించాలని ROP పిలుపునిచ్చింది.  
ట్రాఫిక్ చట్టం ప్రకారం.. రోడ్డుపై నిర్లక్ష్యంగా, ప్రజల ప్రాణాలను లేదా ఆస్తులను ప్రమాదానికి గురిచేసే విధంగా లేదా ప్రమాదకరమైన లేదా నిషిద్ధ ప్రదేశంలో లేదా ఎటువంటి కారణం లేకుండా ఓవర్‌టేక్ చేసినా, శిక్షించబడతారు. 10 రోజుల కంటే తక్కువ.. రెండు నెలలకు మించకుండా జైలు శిక్ష, OMR 100 కంటే తక్కువ.. OMR 500 మించకుండా జరిమానా లేదా ఈ రెండు శిక్షలలో ఒకటి విధించే అవకాశం ఉంది.