కువైట్: చట్టానికి ఎవరూ అతీతులు కాదని కువైట్ మొదటి ఉప ప్రధాన మంత్రి, అంతర్గత వ్యవహారాల మంత్రి మరియు తాత్కాలిక రక్షణ మంత్రి షేక్ తలాల్ ఖలీద్ అల్-అహ్మద్ అల్-సబాహ్ అన్నారు. అంతర్గత వ్యవహారాల మంత్రిత్వ శాఖ భద్రతా సంబంధాలు, మీడియా సాధారణ విభాగం నుండి వెలువడిన ఒక ప్రకటన ప్రకారం.. చట్టం ప్రతి ఒక్కరికీ వర్తిస్తుందని మంత్రి తెలిపార. మాదక ద్రవ్యాల వ్యతిరేక సిబ్బంది అవిశ్రాంత ప్రయత్నాలకు ఆయన అభినందనలు తెలిపారు. శనివారం కువైట్ వ్యాప్తంగా 152 కేజీల హషీష్, 8 కేజీల గంజాయి, 2 కేజీల షాబు, 150,000 క్యాప్‌గాన్ మాత్రలు, ఒక మిలియన్ లిరికా టాబ్లెట్‌లతో పాటు 5 లైసెన్స్ లేని తుపాకీలు, లైవ్ మందుగుండు సామగ్రిని అధికారులు స్వాధీనం చేసుకోవడంపై ఆయన స్పందించారు.