తమ అభిమాన హీరోల సినిమాలకు సంబంధించి ఎప్పటికప్పుడు అప్‌డేట్స్ ఇవ్వాలంటూ ఆయా నిర్మాతల పైనా, దర్శకుల పైనా, ఆ హీరోలపైనా ఫ్యాన్స్ ఎంత ఒత్తిడి తీసుకొస్తున్నారో ఈ మధ్య తెలిసిందే.
ఈ విషయంలో ఇటీవలే ఓ వేదికగా ఎన్టీయార్ స్వీట్ వార్నింగ్ కూడా ఇచ్చారు. అయినా ఫ్యాన్స్‌లో నో ఛేంజ్. తాజాగా ‘కేజీఎఫ్’ డైరెక్టర్ ప్రశాంత్ నీల్‌కీ ఈ ఫ్యాన్స్ సెగ గట్టిగా తాకిందట.
ఆ తాకిడిని తట్టుకోలేక ఆయన ఏకంగా సోషల్ మీడియా అకౌంట్‌నే క్లోజ్ చేసుకున్నారట. ప్రశాంత్ నీల్, ప్రబాస్ కాంబినేషన్‌లో ‘సలార్’ సినిమా తెరకెక్కుతోన్న సంగతి తెలిసిందే.
ఈ సినిమా అప్‌డేట్ ఇవ్వాలంటూ ప్రశాంత్ నీల్‌పై ఒత్తిడి తెస్తుండడంతో, ఎందుకొచ్చిన గొడవలే అనుకుని సోషల్ మీడియా నుంచి ఎగ్జిట్ అయిపోయారట ఆయన.