మస్కట్: 2022లో ఒమన్‌లో OMR 19.6 బిలియన్ల విదేశీ పెట్టుబడులు వచ్చాయి. ఈ మేరకు నేషనల్ సెంటర్ ఫర్ గణాంకాలు, సమాచారం (NCSI) తాజా నివేదికలో తెలిపింది. 2021 నాల్గవ త్రైమాసికంలో OMR17.760 బిలియన్ల పెట్టుబడులు రాగా..  OMR1.860 బిలియన్ల ప్రత్యక్ష విదేశీ పెట్టుబడులు పెరిగి OMR19.620 బిలియన్లకు చేరుకున్నాయని నివేదిక వెల్లడించింది.  చమురు,  గ్యాస్ వెలికితీత రంగాలు, రియల్ ఎస్టేట్ కార్యకలాపాలు 2022లో నాల్గవ త్రైమాసికం ముగిసే సమయానికి ఒమన్‌లో విదేశీ పెట్టుబడులపై 10.5 శాతం వృద్ధిని సాధించాయి.

చమురు, గ్యాస్ వెలికితీత కార్యకలాపాలలో విదేశీ పెట్టుబడి 2022 నాల్గవ త్రైమాసికంలో ప్రత్యక్ష విదేశీ పెట్టుబడులలో అత్యధిక వాటాను కలిగి ఉంది. మొత్తం విలువ OMR14.166 బిలియన్లు కాగా.. ఇది 2021 నాల్గవ త్రైమాసికం చివరి నాటికి OMR12.177 బిలియన్లుగా ఉంది. రియల్ ఎస్టేట్ కార్యకలాపాలలో ప్రత్యక్ష విదేశీ పెట్టుబడి 2021లో నాల్గవ త్రైమాసికం ముగిసే సమయానికి OMR990.6 మిలియన్ల నుండి 2022లో నాల్గవ త్రైమాసికం ముగిసే సమయానికి OMR1.037 బిలియన్లకు చేరుకుంది. ఇతర కార్యకలాపాలలో డైరెక్టర్ విదేశీ పెట్టుబడులు OMR1.240 బిలియన్ల నుండి  OMR1.389 బిలియన్లకు పెరిగాయి.

యునైటెడ్ కింగ్‌డమ్ నుండి ప్రత్యక్ష విదేశీ పెట్టుబడులు మొత్తం OMR10.156 బిలియన్లతో అత్యధికంగా ఉన్నాయి. OMR2.735 బిలియన్లతో అమెరికా తర్వాతి స్థానంలో ఉంది. యునైటెడ్ అరబ్ ఎమిరేట్స్ OMR1.083.4 బిలియన్లతో మూడో స్థానంలో ఉంది.ఆ తర్వాత స్థానాల్లో కువైట్ OMR927.5 మిలియన్లు, చైనా OMR896.8 మిలియన్లు, బహ్రెయిన్ OMR370.3 మిలియన్లు, ఖతార్ OMR327.7 మిలియన్లు, ఇండియా OMR255.2 మిలియన్లు , నెదర్లాండ్స్ OMR241.1 మిలియన్లు,  స్విట్జర్లాండ్ OMR171.1 మిలియన్ల పెట్టుబుడులు రాగా.. ఇతర దేశాల నుండి OMR2.458 బిలియన్ల పెట్టుబడులు వచ్చాయని నివేదిక స్పష్టం చేసింది.