సీనియర్ నటుడు నరేష్, పవిత్రా లోకేష్ జంటగా ‘మళ్లీ పెళ్లి’ అనే సినిమా తెరకెక్కిన సంగతి తెలిసిందే. రేపు అనగా మే 26న ఈ సినిమా రిలీజ్‌కి సిద్ధమైంది.

గత నెల రోజులుగా ఈ సినిమాని తెగ ప్రమోట్ చేస్తున్నారు నరేష్, పవిత్ర లోకేష్. ఎక్కడికక్కడ ప్రత్యేకమైన వేదికలు నిర్వహిస్తూ, ఆయా వేదికలపై వారి వారి లైవ్ రొమాన్స్, రొమాంటిక్ డాన్సింగ్ స్టెప్పులు.. ఇలా పనికిమాలిన పైత్యం చూపిస్తూ చెత్త చెత్త చేస్తున్నారు.

ఇక, రిలీజ్ టైమ్ రానే వచ్చింది. సరిగ్గా ఇదే టైమ్‌లో నరేష్ మూడో భార్య రంగంలోకి దిగింది. ఈ సినిమాలో తనకు సంబంధించిన కొన్ని సన్నివేశాలను అభ్యంతరకరంగా చూపించారంటూ ఆమె మీడియాకెక్కింది. ఎలాగైనా సినిమాని బ్యాన్ చేయాలని డిమాండ్ చేసింది. 

తనకు విడాకులివ్వకుండానే నరేష్, పవిత్రతో కలిసి వుంటున్నాడని ఆమె వాదిస్తోంది. మరి, ఈ వివాదం నరేష్ సినిమాకి ఫ్రీ పబ్లిసిటీ తెచ్చిపెడుతుందా.? లేక అడ్డంకిగా మారి సినిమా రిలీజ్ కాకుండా ఆపగలుగుతుందా.? చూడాలి మరి.