యూఏఈ: దుబాయ్‌లోని బుర్ దుబాయ్‌లో ఓడరేవులో శనివారం ఉదయం అగ్నిప్రమదం చోటుచేసుకుంది. దుబాయ్ సివిల్ డిఫెన్స్ ఆపరేషన్ సెంటర్‌కు ఉదయం 9.06 గంటలకు సమాచారం అందగా.. ఎతిహాద్ అగ్నిమాపక కేంద్రం నుండి ఒక బృందం 9.12 గంటలకు సంఘటన స్థలానికి చేరుకుంది. అల్ కరామా ఫైర్ స్టేషన్, అల్ రాస్ ఫైర్ స్టేషన్ మరియు మారిటైమ్ రెస్క్యూ సెంటర్‌ల అధికారులు సమన్వయంతో శ్రమించి మంటలను అదుపులోకి తీసుకొచ్చారు. ఒక గిడ్డంగికి సమీపంలో ఉన్న పడవలో మంటలు చెలరేగి విస్తరించినట్లు అధికారులు తెలిపారు.  ఎలాంటి గాయాలు లేదా ప్రాణనష్టం జరగలేదని నిర్ధారించారు.