రియాద్: వాట్సాప్ అప్లికేషన్‌లో అధికారిక ఖాతాకు సంబంధించి జనరల్ డైరెక్టరేట్ ఆఫ్ పాస్‌పోర్ట్స్ (జవాజత్) క్లారిటీ ఇచ్చింది. వాట్పాప్ లో ఎలాంటి ఖతాను నిర్వహించడం లేదని జవాజత్ తెలిపింది. మోసపూరిత వెబ్‌సైట్‌లు, నకిలీ, అనుమానాస్పద ఖాతాలతో వారి పేర్లను అనుకరిస్తూ, లబ్ధిదారులకు సేవలు అందిస్తామంటూ ప్రచారంలో ఉన్న వాటిని నమ్మొద్దని జవాజాత్ ప్రతి ఒక్కరినీ హెచ్చరించింది. సేవల నుండి ప్రయోజనం పొందాలనుకునే,..  సమాచారం, వార్తలను స్వీకరించాలనుకునే వ్యక్తులు తప్పనిసరిగా జవాజాత్ అధికారిక ప్లాట్‌ఫారమ్‌లను సందర్శించాలని కోరింది. జవాజాత్ ఇన్ఫోగ్రాఫిక్‌లో తన ఖాతా పేరు "@AljawazatKSA" అని, ఇదే పేరుతో ఇన్స్టా గ్రామ్, స్నాప్ షాట్, ట్విట్టర్, యూట్యూబ్, ఫేస్ బుక్ లలో అకౌంట్ ఉందని వివరించింది. ఇది వినియోగదారులకు ప్రయోజనం చేకూర్చడానికి, వారి విచారణలకు సమాధానమివ్వడానికి పేర్కొనబడిన ట్విట్టర్‌(@CareAljawazat)లో తన రెండవ అధికారిక ఖాతా ఉందని తెలిపింది. అధికారిక ఇమెయిల్ [email protected] ,  అధికారిక వెబ్‌సైట్: www.gdp.gov.sa అని జవాజాత్ స్పష్టం చేసింది.