కువైట్: ఇతర GCC దేశాలతో పోల్చితే.. కువైట్ ఆర్థిక వ్యవస్థలో పర్యాటక రంగం భాగస్వామ్యం అత్యల్పంగా ఉంది. ఇటీవలి అధ్యయనం ప్రకారం.. కువైట్ జీడీపీలో పర్యాటక రంగం నుంచి 6.1 శాతం మాత్రమే కంట్రిబ్యూట్ ఉంది. అదే యూఏఈలో 10.8%, బహ్రెయిన్‌లో 9.8%, ఖతార్‌లో 9.7%, సౌదీ అరేబియాలో 9.4%, ఒమన్ లో 6.8%గా ఉంది. అయితే దేశం వెలుపల పర్యాటకం కోసం కువైటీ ఖర్చు చేసే మొత్తం సంవత్సరానికి 4 బిలియన్ దినార్ల కంటే ఎక్కువ ($14 బిలియన్లు) ఉందని నివేదికలో అంచనా వేశారు. ఇది GDPలో దాదాపు 11%కి సమానం కావడం గమనార్హం.  అయితే పర్యాటకం నుండి దేశం వార్షిక ఆదాయం 300 వేల దినార్ల స్థాయిని మించడం లేదని అధ్యయనం తేల్చింది.