‘అహింస’ అంటూ తేజ లాంగ్ గ్యాప్ తర్వాత ఓ సినిమాతో రాబోతున్నాడు. తేజ సినిమాల్లో కొత్తగా చూపించడానికేముంటుంది. ఓ రైలు బండి, రక్తంతో నిండిపోయిన హీరో, హీరోయిన్‌తో అరుపులు, పైశాచికత్వం.. ఇదే కదా. అదే కనిపించింది ‘అహింస’ పోస్టర్లలోనూ.
సినిమాలోనూ అదే వుంది కొత్తగా ఇంకేం లేదు అని తాజాగా జనం తేల్చేశారు. దగ్గుబాటి రానా సోదరుడు అభిరామ్‌ని హీరోగా పరిచయం చేశాడు డైరెక్టర్ తేజ ఈ సినిమాతో. 
సినిమా ప్రమోషన్లలో భాగంగా ఆయన చేయాల్సిన ఓవరాక్షన్ అంతా చేసేశాడు. అంత చేసినా సినిమాని మాత్రం కాపాడలేకపోయాడు. ఫస్ట్ డే టాకే సుత్తి, చెత్త.. అని తేలిపోయింది. ఇక, ఈ సినిమాని ఆదుకునే నాధుడింకెవరు.? 
ప్రమోషన్ల పేరు చెప్పి జీవించి వున్నవాళ్లనీ, జీవించి లేని వాళ్లనీ (ఉదయ్ కిరణ్) కూడా తన డిస్కషన్స్‌లోకి తెచ్చేసి కాంట్రవర్సీ అయ్యాడు తేజ. ఆ కాంట్రవర్సీల మీద పెట్టిన దృష్టి, సినిమాని సక్సెస్ ఫుల్‌గా తెరకెక్కించడంలో పెట్టి వుంటే బాగుండేదని సినిమా చూశాకా ఆడియన్స్ అభిప్రాయపడుతున్నారు. అంతేగా.! అంతేగా.!