కొన్ని సినిమాలు విడుదలకు ముందే ఎందుకో తెలీదు ఒకింత ఆసక్తి కలిగిస్తుంటాయ్. ఆ కోవకు చెందిందే ‘పెదకాపు’ సినిమా. కాస్టింగ్ తెలీదు. కానీ, పోస్టర్ మాత్రం ఇంట్రెస్టింగ్‌గా వుంది.
ఇంతకీ ఈ సినిమా డైరెక్టర్ ఎవరంటే శ్రీకాంత్ అడ్డాల. ఈయన సినిమాలకు ఓ ప్రత్యేకత వుంటుంది. ఫ్యామిలీ సినిమాలను సమర్ధవంతంగా తెరకెక్కించడంలో ఈయనకు సాటి ఈయనే అని చెప్పొచ్చు.
ఇద్దరు స్టార్ హీరోలతో ‘సీతమ్మ వాకిట్లో సిరిమల్లె చెట్టు’వంటి సినిమా తెరకెక్కించి సూపర్ హిట్ కొట్టాడు శ్రీకాంత్ అడ్డాల. అయితే, ఆ తర్వాత శ్రీకాంత్ సినిమాలకు ఆదరణ కరువయ్యిందనుకోండి. 
‘అఖండ’ సినిమాతో ఓ రేంజ్ లాభాలు అందుకున్న నిర్మాత రవీందర్ రెడ్డి మేనల్లుడు విరాట్ కర్ణ ఈ సినిమాతో హీరోగా పరిచయమవుతున్నాడు.
90ల నాటి బ్యాక్ డ్రాప్‌తో ఈ సినిమా రూపొందబోతోందనీ తాజాగా రిలీజ్ చేసిన ఫస్ట్ లుక్ బట్టి తెలుస్తోంది. ఫస్ట్ లుక్ చాలా ప్రామిసింగ్‌గా వుంది. కథ, కథనం కూడా ఖచ్చితంగా ఆకట్టుకుంటాయని చెబుతున్నారు. ‘ఓ సామాన్యుడి సంతకం’ పెదకాపు.. అంటూ రిలీజ్ చేసిన పోస్టర్ సినీ జనాల్లో ఇంట్రెస్ట్ క్రియేట్ చేస్తోంది.