యూఏఈ: దుబాయ్ పాలకుడు గత కొన్ని రోజులుగా బహిరంగ ప్రదేశాల్లో కనిపిస్తున్న వీడియోలు సోషల్ మీడియాలో వైరల్ అవుతున్నాయి. శుక్రవారం ఎమిరేట్‌లోని దుబాయ్ హిల్స్ మాల్‌లో సందడి చేశారు. వైస్ ప్రెసిడెంట్, ప్రధాన మంత్రి అయిన హిస్ హైనెస్ షేక్ మొహమ్మద్ బిన్ రషీద్ అల్ మక్తౌమ్ ప్రసిద్ధ ఫ్రెంచ్ కేఫ్ లాడూరీలోకి వెళ్లి సందడి చేసిన వీడియో ఒకటి వైరల్ అవుతోంది. ఇటీవల మాల్ ఆఫ్ ది ఎమిరేట్స్‌లో సందడి చేసిన విధంగానే  దుబాయ్ రూలర్ క్యాజువల్‌గా ఫ్రెంచ్ కేఫ్‌లోకి అడుగుపెట్టి, సాధారణ కస్టమర్ వలె టేబుల్‌లో కూర్చున్నారు. దీంతో అక్కడి సిబ్బంది, కొందరు నివాసితులు ఆశ్చర్యపోయారు. షేక్ మహ్మద్ ఈ వీడియోను షేర్ చేసిన యూఏఈ మహిళ.. ప్రియమైన నాయకుడిని దగ్గరగా చూడగలిగిన తర్వాత తా అదృష్ట అమ్మాయిగా భావించానని తన సోషల్ మీడియా అకౌంట్లో చెప్పారు. సదరు వీడియోలోదుబాయ్ పాలకుడు  నవ్వుతూ, ఉత్సాహంగా ఉన్న ఒక చిన్న అమ్మాయితో మాట్లాడుతున్నారు.