కువైట్: లైసెన్సు కోసం దరఖాస్తు చేసుకునే ఫార్మసీకి కొత్త నిబంధనలు రూపొందించినట్లు ఆరోగ్య మంత్రి అహ్మద్ అల్-అవధీ తెలిపారు. కొత్తగా ఏర్పాటు చేసే ఫార్మసీకి దాని సమీపంలోని ఏదైనా ఫార్మసీకి మధ్య దూరం అన్ని దిశలలో 200 మీటర్ల కంటే తక్కువ ఉండకూడదని షరతులు విధించినట్లు,  ఈ మేరకు మంత్రిత్వ నిర్ణయాన్ని జారీ చేసినట్లు ఆరోగ్య మంత్రి  వెల్లడించారు. మంత్రిత్వ శాఖ ఔషధ నియంత్రణ వ్యవస్థ దూరాన్ని లెక్కించి అవసరమైన నియంత్రణలను ఏర్పాటు చేస్తుందన్నారు. కాగా, ఈ నిర్ణయం నుంచి సహకార సంఘాలు, కమ్యూనిటీ హాస్పిటల్స్, కమ్యూనిటీ మెడికల్ సెంటర్లు, షాపింగ్ సెంటర్లు, మార్కెట్లలో ఉన్న ఫార్మసీలకు మినహాయింపు ఇచ్చిందని వెల్లడించారు.