రౌడీ స్టార్ విజయ్ దేవరకొండ, పరశురామ్ కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. ఇటీవలే అనౌన్స్ అయిన ఈ ప్రాజెక్ట్ ఈ రోజు అనగా బుధవారం పూజా కార్యక్రమాలతో లాంఛనంగా ప్రారంభం కానుంది.

కాగా, ఈ సినిమాలో తొలుత పూజా హెగ్దేని హీరోయిన్‌గా అనుకున్నారు. ఏం జరిగిందో ఏమో కానీ, సడెన్‌గా ఈ ప్రాజెక్ట్ నుంచి పూజా హెగ్దే తప్పుకుంది.

ఆ ప్లేస్‌లోకి ‘సీతారామం’ బ్యూటీ మృణాల్ ఠాకూర్ వచ్చి చేరింది. హీరోయిన్ పాత్ర చాలా హుందాగా, ప్రాధాన్యత సంతరించుకోదగ్గదిగా వుంటుందట ఈ సినిమాలో.

‘సీతారామం’ ఫేమ్‌తో ఆ పాత్రకు మృణాల్ అయితే బాగుంటుందని చిత్ర యూనిట్ లాస్ట్ మినిట్‌లో బుట్టబొమ్మని పక్కకు నెట్టేసి, మృణాల్ పేరును ప్రకటించేశారు.

అన్నట్లు రౌడీతో పరశురామ్ గతంలో ‘గీతా గోవిందం’ సినిమాతో సూపర్ డూపర్ హిట్ కొట్టిన సంగతి తెలిసిందే. ఆ రకంగా చూస్తే ఈ కాంబో మూవీపై అంచనాలు బాగున్నాయ్.