మహేష్ - త్రివిక్రమ్ కాంబో మూవీకి సంబంధించి మొదట్నుంచీ అనేక రకాల రూమర్లు చక్కర్లు కొడుతున్నాయ్. స్టార్ట్ అయిన వెంటనే చకచకా మొదటి షెడ్యూల్ షూటింగ్ కంప్లీట్ చేసుకుంది ఈ సినిమా.

ఆ తర్వాత మహేష్ ఇంట నెలకొన్న అనూహ్యమైన వరుస విషాదాలు.. సినిమాకి బ్రేక్‌కి కారణమయ్యాయ్. ఆ తర్వాత లాంగ్ గ్యాప్ తీసుకుని పట్టాలెక్కిన ఈ సినిమా షూటింగ్ నత్త నడకన సాగుతోంది.

ఇదిలా వుంటే, రోజుకో రకంగా కొత్త కొత్తగా పుట్టుకొస్తున్న రూమర్లు మహేష్ అభిమానుల్ని ఆందోళనకి గురి చేస్తున్నాయ్. మ్యూజిక్ డైరెక్టర్ థమన్ ఈ ప్రాజెక్ట్ నుంచి తప్పుకున్నాడట.. అంటూ నిన్నటి వరకూ ప్రచారం జరిగింది.

అబ్బే.! అలాంటిదేం లేదంటూ.. చిత్ర యూనిట్ అధికారికంగా క్లారిటీ ఇచ్చింది. తాజాగా హీరోయిన్ అయిన పూజా హెగ్దే హ్యాండిచ్చిందంటూ ఇంకో గాసిప్ పుట్టించారు. ఈ విషయంలో చిత్ర యూనిట్ ఎలాంటి క్లారిటీ ఇస్తుందో చూడాలి మరి.