యూఏఈ: నివాస అపార్ట్‌మెంట్‌లో గంజాయి మొక్కలను సాగు చేస్తున్న ఒక ఆసియా ముఠాను పట్టుకున్నట్టు ఉమ్ అల్ క్వైన్ పోలీస్ జనరల్ కమాండ్ యాంటీ నార్కోటిక్స్ విభాగం వెల్లడించింది. ఈ ముఠా అక్రమంగా మాదక ద్రవ్యాల సాగు, రవాణాలో ఉందన్నారు. యాంటీ నార్కోటిక్స్ విభాగం అధిపతి, మేజర్ జమాల్ సయీద్ అల్ కెత్బీ మాట్లాడుతూ.. ఈ కార్యకలాపాలకు సంబంధించి డిపార్ట్‌మెంట్‌కు సమాచారం అందిందని,  ఒక ప్రత్యేక బృందం ఆకస్మిక దాడి చేసి ముఠాను పట్టుకున్నట్టు తెలిపారు. ముఠా సాగు చేస్తున్న గంజాయి మొక్కలను స్వాధీనం చేసుకున్నట్టు చెప్పారు. ముఠా సభ్యులపై తదుపరి చట్టపరమైన చర్యల కోసం పబ్లిక్ ప్రాసిక్యూషన్‌కు అప్పగించినట్టు తెలిపారు. ఏవైనా అనుమానాస్పద కార్యకలాపాలు లేదా సమాచారాన్ని నివాసితులు నేరాలను 80044లో "ముకాఫిహ్" కమ్యూనికేషన్ సర్వీస్ ద్వారా లేదా అంతర్గత వ్యవహారాల మంత్రిత్వ శాఖ అధికారిక వెబ్‌సైట్, MOI ద్వారా నివేదించవచ్చని సూచించింది.