రన్‌రాజారన్‌, ఎక్స్‌ప్రెస్‌ రాజా చిత్రాలతో ఆకట్టుకొన్నాడు శర్వానంద్‌. భలేభలే మగాడివోయ్‌, సోగ్గాడే చిన్నినాయనా చిత్రాలతో విజయాలు అందుకొంది లావణ్య త్రిపాఠి. ఇప్పుడు వీళ్లిద్దరికీ జోడీ కుదిరింది. శర్వానంద్‌ కథానాయకుడిగా బివిఎస్‌ఎన్‌ ప్రసాద్‌ ఓ చిత్రాన్ని తెరకెక్కించనున్నారు. చంద్రమోహన్‌ దర్శకుడు. కథానాయికగా లావణ్యని ఎంచుకొన్నారు. ఈ సందర్భంగా నిర్మాత మాట్లాడుతూ ''మా సంస్థలో తెరకెక్కించిన 'డార్లింగ్‌' చిత్రానికి సహాయకుడిగా పచేసిన చంద్రమోహన్‌ చెప్పిన కథ బాగా నచ్చింది. అతన్ని ఈ చిత్రంతో దర్శకుడిగా పరిచయం చేస్తున్నాం. జూన్‌ 1 నుంచి చిత్రీకరణ మొదలుపెడతాం. రతన్‌ ఈ చిత్రానికి సంగీతం అందిస్తారు. మిగిలిన వివరాలు త్వరలో ప్రకటిస్తామ''న్నారు. ఈ చిత్రానికి ఛాయాగ్రహణం: కార్తీక్‌ ఘట్టమనేని, సమర్పణ: భోగవల్లి బాపినీడు. కాంబినేషన్ తో