సౌదీ: అల్-కున్‌ఫుదా గవర్నరేట్‌లో యాంఫెటమైన్ డ్రగ్‌ విక్రయాలు జరుపుతున్నారని సమాచారం మేరకు దాడులు చేసిన భద్రతా సిబ్బందిపై నిందితులు కాల్పులు జరిపారు. భద్రతా సిబ్బంది ఎదురు కాల్పులు జరిపారు. కాగా, ఈ ఘటనలో ఎవరూ గాయపడలేదని పోలీసులు తెలిపారు. నిందితులను అరెస్ట్ చేశామని, వారి వద్ద ఉన్న మారణాయుధాలు, నగదును స్వాధీనం చేసుకున్నట్లు భద్రతా సిబ్బంది తెలిపారు. ముగ్గురు నిందితులను అరెస్టు చేసి, వారిపై చట్టపరమైన చర్యలు తీసుకునేందుకు  వీలుగా వారిని కాంపిటెంట్ అథారిటీకి రిఫర్ చేశామన్నారు. మాదకద్రవ్యాల అక్రమ రవాణా లేదా ప్రమోషన్‌కు సంబంధించిన ఏదైనా కార్యకలాపాల గురించి ఏదైనా సమాచారం ఉంటే వెంటనే తెలియజేయాలని భద్రతా అధికారులు సౌదీ పౌరులందరికీ, అలాగే నివాసితులను కోరారు. మక్కా, రియాద్ మరియు తూర్పు ప్రావిన్స్‌లోని ప్రాంతాలలో 911 నంబర్‌లను సంప్రదించడం ద్వారా ఈ నేరాలను నివేదించవచ్చని, మిగిలిన ప్రాంతాలలో 999 ద్వారా కాల్ చేయాలన్నారు.