మస్కట్: ఒమన్ సుల్తానేట్‌లో ప్రవాసులు (4WD) వాహనాలను కలిగి ఉండటంపై నిషేధం లేదని రాయల్ ఒమన్ పోలీస్ (ROP) వెల్లడించింది. దీనికి సంబంధించి సోషల్ మీడియాలో ప్రచారంలో ఉన్నవన్ని తప్పుడు వార్తలేనని పేర్కొంది. ఈ మేరకు ఓ వివరణను జారీ చేసింది. "(4WD) వాహనాల ప్రవాస యాజమాన్యం నిషేధంపై వస్తున్న వార్తలు పూర్తి అబద్ధం. వాటిలో నిజం లేదు. అతను/ఆమె ఒమన్ సుల్తానేట్‌లో ఉన్న సమయంలో పైన పేర్కొన్న వాహనాలను ఖచ్చితంగా నమోదు చేయవచ్చు." అని తన ప్రకటనలో రాయల్ ఒమన్ పోలీసులు స్పష్టం చేశారు.