యుక్తి తరేజ.. ఈ పేరుకు కొంచెం పరిచయం కావాలి. నాగశౌర్య హీరోగా వచ్చిన ‘రంగబలి’ సినిమాతో ఎంట్రీ ఇచ్చింది ఈ అందాల భామ. తొలి సినిమా అయినా మంచి టాలెంట్ చూపించింది.
యాక్టింగ్ టాలెంట్‌తో పాటూ, గ్లామర్ కూడా బాగానే ఒలకబోసింది. దాంతో, యూత్‌కి బాగా కనెక్ట్ అయ్యింది యుక్తి తరేజ. మంచి డాన్సర్. మంచి నటి. నిజమే. తొలి సినిమాతోనే తనను తాను ప్రూవ్ చేసుకుంది. 
ఇన్ని కళలున్న ఈ ముద్దుగుమ్మని మన హీరో నాగశౌర్య కూడా బాగానే ప్రమోట్ చేసేస్తున్నాడు. స్టార్ హీరోయిన్ అవ్వదగ్గ లక్షణాలు ఈ ముద్దుగుమ్మలో వున్నాయని తెగ మోసేస్తున్నాడు. అప్పట్లో రష్మికా మండన్నా విషయంలోనూ నాగ శౌర్య ఇలాగే జోస్యం చెప్పాడు. అది నిజమైంది. 
అలాగే, యుక్తి తరేజ విషయంలోనూ జరుగుతుందేమో చూడాలి మరి. అన్నట్లు యుక్తి విషయంలో ఇంకాస్త ఎక్కువే ఇంట్రెస్ట్ చూపిస్తున్నాడండోయ్ నాగశౌర్య. అదేంటో తెలియాల్సి వుంది.