రియాద్: రెసిడెన్సీ, కార్మిక చట్టాలు,  సరిహద్దు భద్రతా నిబంధనలను ఉల్లంఘించిన దాదాపు 11,915 మందిని కింగ్డమ్‌లోని వివిధ ప్రాంతాలలో వారం రోజుల్లో అధికారులు అరెస్టు చేశారు.  జూలై 6 నుండి 12 వరకు వారంలో రాజ్యమంతటా భద్రతా దళాల యొక్క వివిధ విభాగాలు నిర్వహించిన ఉమ్మడి క్షేత్ర ప్రచారాల సందర్భంగా అరెస్టులు జరిగాయని అంతర్గత వ్యవహారాల మంత్రిత్వ శాఖ వెల్లడించింది.

అరెస్టులలో 6,359 మంది నివాస వ్యవస్థను ఉల్లంఘించినవారు, 3,753 మంది సరిహద్దు భద్రతా నిబంధనలను ఉల్లంఘించినవారు, 1,803 మంది కార్మిక చట్టాలను ఉల్లంఘించినవారు ఉన్నారని తెలిపింది. సౌదీ సరిహద్దులు దాటేందుకు ప్రయత్నిస్తున్నప్పుడు మరో 675 మంది అరెస్టయ్యారని పేర్కొంది. అరెస్టయిన వారిలో 54% మంది యెమెన్‌లు, 44% ఇథియోపియన్లు,  2% ఇతర జాతీయులు ఉన్నారు. అలాగే 197 మంది సౌదీ అరేబియా నుండి నిష్క్రమించడానికి సరిహద్దును దాటడానికి ప్రయత్నించి పట్టుబడ్డారని తెలిపింది.  ఎవరైనా చొరబాటుదారులను రాజ్యంలోకి ప్రవేశించడానికి సాయం చేసినా ఆశ్రయం కల్పించినా.. వారికి గరిష్టంగా 15 సంవత్సరాల జైలు శిక్ష, గరిష్టంగా SR1 మిలియన్ జరిమానా విధించబడుతుందని అంతర్గత వ్యవహారాల మంత్రిత్వ శాఖ హెచ్చరించింది.