ప్రతిష్టాత్మక చిత్రంగా రూపొందుతోన్న ‘ప్రాజెక్ట్ కె’ నుంచి దీపికా పదుకొనె ఫస్ట్ లుక్ రిలీజ్ చేశారు చిత్ర యూనిట్. ఈ లుక్స్‌లో దీపికా సీరియస్‌గా కనిపిస్తోంది. 

ఫేస్ ఒక్కటే వైడ్ యాంగిల్‌లో చూపించడం వల్ల దీపిక పాత్ర గురించి కూడా ఎలాంటి అభిప్రాయం రావడం లేదన్న అభిప్రాయాలు వినిపిస్తున్నాయ్.

ప్రాజెక్ట్ కె కోసం జనం చాలా ఈగర్‌గా ఎదురు చూస్తున్నారు. ఈ సినిమాపై భారీగా అంచనాలున్నాయ్. ఇంతవరకూ ప్రబాస్ చేసిన ప్యాన్ ఇండియా సినిమాలన్నీ ఓ ఎత్తు. ఈ సినిమా ఒక్కటీ ఇంకో ఎత్తు.. అనేంతలా ‘ప్రాజెక్ట్ కె’ని సిద్ధం చేస్తున్నారు. 

ఈ నేపథ్యంలోనే సినిమా మొదటి ప్రచార చిత్రాన్నీ, టైటిల్‌నీ ప్రఖాత్య కామిక్ కాన్ వేదికపై అమెరికాలో జూలై 20న రిలీజ్ చేయనున్నారు.

ఈ వేదికపై రిలీజ్ అవుతున్న తొలి భారతీయ ప్రచార చిత్రంగా ప్రాజెక్ట్ కె హిస్టరీ క్రియేట్ చేయబోతోంది. జూలై 21న ఇండియాలో ఈ ప్రచార చిత్రం రిలీజ్ చేయనున్నారు. నాగ అశ్విన్ దర్శకత్వంలో తెరకెక్కుతోన్న ఈ సినిమాలో బిగ్‌బీ అమితాబ్ బచ్చన్, కమల్ హాసన్ వంటి ప్రముఖ నటులు కూడా భాగం కావడం విశేషం.