‘షాక్’ సినిమాతో హరీష్ శంకర్ డైరెక్టర్‌గా పరిచయమయ్యాడు. ఆ సినిమాలో రవితేజ హీరోగా నటించాడు. ఆ తర్వాత ‘మిరపకాయ్’ ‘నేనింతే’ సినిమాలు రవితేజతోనే తెరకెక్కించాడు హరీష్ శంకర్. అలా హరీష్ శంకర్‌కీ, రవితేజకీ మంచి అనుబంధం వుంది.

త్వరలోనే హరీష్ శంకర్, రవితేజ కాంబో మళ్లీ రిపీట్ కానున్నట్లు తెలుస్తోంది. ఈ సారి ఓ హిందీ రీమేక్‌ని రవితేజ కోసం హరీష్ శంకర్ సిద్ధం చేశాడట. అజయ్ దేవగణ్ ప్రధాన పాత్రలో వచ్చిన ‘రైడ్’ మూవీని తెలుగులో రవితేజ కోసం మార్పులు చేసి స్క్రిప్ట్ సిద్ధం చేశాడట.

ఈ రీమేక్‌లో నటించేందుకు రవితేజ కూడా సిద్ధంగా వున్నాడట. ప్రస్తుతం హరీష్ శంకర్ ‘ఉస్తాద్ భగత్ సింగ్’ సినిమాతో బిజీగా వున్నాడు. అలాగే, ‘టైగర్ నాగేశ్వరరావు’ సహా మరో రెండు ప్రాజెక్టులతో రవితేజ బిజీగా వున్నాడు. ఈ ప్రాజెక్ట్ ఎప్పుడు సెట్స్ మీదికెళ్తుందన్న దానిపై పక్కా క్లారిటీ లేదు కానీ, ఈ ఏడాది చివర్లో ఓ అప్‌డేట్ రాబోతోందనీ ఇన్‌సైడ్ సోర్సెస్ ద్వారా అందుతోన్న సమాచారం.