యూఏఈ: ఇస్లామిక్ న్యూ ఇయర్ సందర్భంగా షార్జా మున్సిపాలిటీ శుభవార్త చెప్పింది. రాబోయే సెలవుదినం రోజున పబ్లిక్ పార్కింగ్ ఉచితంగా ఉంటుందని ప్రకటించింది. హిజ్రీ నూతన సంవత్సరం సందర్భంగా షార్జాలోని నివాసితులకు జూలై 20న పార్కింగ్ ఫీజు నుండి మినహాయింపు ఉంటుందని తెలిపింది.

అయితే, బ్లూ పార్కింగ్ గుర్తింపు ఉన్న పార్కింగ్ జోన్లలో సెలవు రోజున చెల్లింపు కొనసాగుతుందని పేర్కొంది. ప్రభుత్వ రంగ ఉద్యోగులకు ఇస్లామిక్ న్యూ ఇయర్ సెలవు తేదీని షార్జా ప్రభుత్వం గురువారం ప్రకటించింది. హిజ్రీ నూతన సంవత్సర సెలవుదినం జూలై 20న (గురువారం) ప్రారంభమవుతుందని షార్జా ప్రభుత్వ మానవ వనరుల శాఖ ప్రకటించింది.