దుబాయ్: ఎమిరేట్స్ ద్వారా ప్రయాణిస్తున్నారా? త్వరలో మీరు విమానయాన సంస్థ కొత్త సేవను పొందవచ్చు. మీ విమానయానానికి 14 రోజుల ముందుగానే మీరు ఇష్టపడే భోజన ఎంపికను బుక్ చేసుకోవచ్చు. దుబాయ్‌కి చెందిన ఎయిర్‌లైన్ మంగళవారం భోజన ప్రీఆర్డరింగ్ సర్వీస్ ను పరిచయం చేసింది. ఇది దుబాయ్ మరియు లండన్ హీత్రూ, లండన్ గాట్విక్, లండన్ స్టాన్‌స్టెడ్ మధ్య అన్ని విమానాలలో బిజినెస్ క్లాస్‌లో జూలై 25 నుండి అందుబాటులోకి వస్తుందని ప్రకటించింది. 

ప్రీమియం 'రెస్టారెంట్ ఇన్ ది స్కై' ఇన్‌ఫ్లైట్ డైనింగ్ అనుభవాన్ని అందించడానికి మెనూ ప్లానింగ్, సరైన ఫుడ్ లోడింగ్‌ను సులభతరం చేసే AI-ఎనేబుల్డ్ కస్టమర్ ప్రిఫరెన్స్ ట్రాకింగ్ డేటా మరియు క్యాబిన్ క్రూ రిపోర్ట్‌ల ప్రస్తుత సూట్‌కు మీల్ ప్రీఆర్డరింగ్ జోడించబడుతుందని ఎమిరేట్స్ తెలిపింది. విమాన యానానికి 14 రోజుల ముందుగానే ప్రయాణీకులు emirates.com లేదా Emirates యాప్‌లో ఆన్‌బోర్డ్ మెనుని బ్రౌజ్ చేయవచ్చు. స్థానికంగా లభించే పదార్థాలతో ప్రాంతీయంగా ఫేమస్ వంటకాలను ఎంచుకోవచ్చు. ప్రయాణికులు అవసరమైతే ప్రత్యేక భోజనాన్ని కూడా ముందస్తుగా ఆర్డర్ చేయవచ్చు. క్రమంగా మీల్ ప్రీఆర్డర్ చొరవను మరిన్ని రూట్‌లు, తరగతులకు విస్తరించాలని యోచిస్తున్నట్లు ఎమిరేట్స్ తెలిపింది.