యూఏఈ: కేవలం బహిరంగంగా కేకలు వేసినందుకే అమెరికా మహిళను అరెస్టు చేశారన్న ఆరోపణలను దుబాయ్ పోలీసులు ఖండించారు. మీడియాలో ప్రసారం అవుతున్న కొన్ని కథనాలలో ప్రస్తావించబడిన వాదనలు కేసును పూర్తిగా వక్రీకరించిన విధంగా ఉన్నాయని అధికారులు ఒక ప్రకటనలో తెలిపారు. ఇది కేవలం "అరుపు" మాత్రమే కాదని, కారు అద్దె కార్యాలయం నుండి ఫిర్యాదు అందిందని దుబాయ్ పోలీసులు చెప్పారు. "కారు అద్దె రుసుము విషయంలో వివాదం జరుగగా.. ఉద్యోగిని అసభ్య పదజాలంతో అవమానించడంతో సదరు అమెరికా మహిళపై కేసు నమోదు అయిందని వివరించారు. యూఏఈలో పరువు నష్టం అనేది భారీ జరిమానాలు, జైలు శిక్ష విధించదగిన తీవ్రమైన నేరం. చట్టం ప్రకారం ఇతరులను ధిక్కరించేలా మరొక వ్యక్తికి బహిరంగంగా అవమానించడం చేస్తే ఒకరికి 20,000 దిర్హామ్‌ల జరిమానా మరియు రెండేళ్ల వరకు జైలు శిక్ష విధించబడుతుంది.  సదరుఅమెరికా మహిళను చట్టపరమైన విధానాల ప్రకారం ప్రశ్నించడం జరిగిందని, కొనసాగుతున్న చట్టపరమైన చర్యల పరిష్కారం పెండింగ్‌లో ఉందని పోలీసులు క్లారిటీ ఇచ్చారు.