అప్పుడెప్పుడో ‘ప్రతినిధి’ అనే సినిమా గురించి వినే వుంటారు. విలక్షణ నటుడిగా పేరు తెచ్చుకున్న నారా రోహిత్ తొలి నాళ్లలో చేసిన సినిమా ఇది. అప్పట్లో విమర్శకుల ప్రశంసలు అందుకున్న సినిమా ఇది.

మీడియా బ్యాక్ డ్రాప్‌లో రూపొందిన ఈ సినిమా అప్పట్లో చాలా మందిని ఆలోచింపచేసింది. ఆ సినిమాకి ఇన్నేళ్ల తర్వాత సీక్వెల్ రాబోతోంది. నారా రోహిత్ ఈ మధ్య సినిమాలకు దూరంగా వుంటున్న సంగతి తెలిసిందే.

లాంగ్ గ్యాప్ తర్వాత ‘ప్రతినిధి 2’ సినిమాని అనౌన్స్ చేసి అందరినీ ఆశ్చర్యపరిచాడు. న్యూస్ పేపర్లతో డిజైన్ చేసిన ఈ సినిమా ఫస్ట్ లుక్‌ చూస్తుంటే, ఇది కూడా మీడియాని ఎండకట్టే థీమ్‌తో రాబోతోందని అర్ధమవుతోంది. 

అప్‌కమింగ్ ఎలక్షన్స్‌ని టార్గెట్ చేసుకునే ఈ సినిమాని వదులుతున్నట్లుగా తెలుస్తోంది.ఫస్ట్‌లుక్‌తో పాటూ, రిలీజ్ డేట్ కూడా అనౌన్స్ చేసింది చిత్ర యూనిట్
.
2024 జనవరి 25న ‘ప్రతినిధి 2’ ప్రేక్షకుల ముందుకు రానుంది. అన్నట్లు టీవీ 5 ప్రముఖ సీనియర్ జర్నలిస్ట్ మూర్తి ఈ సినిమాని డైరెక్ట్ చేస్తుండడం విశేషం.