అబుధాబి: మహిళల బ్యూటీ సెలూన్‌లు, ఫిట్‌నెస్ సెంటర్‌లు ఆరోగ్యం, భద్రత మరియు పరిశుభ్రత నియమాలను పాటిస్తున్నాయో లేదో నిర్ధారించడానికి స్థానిక అధికారులు సమగ్ర తనిఖీ డ్రైవ్‌ను చేపట్టారు. కమ్యూనిటీ సభ్యుల శ్రేయస్సు కోసం ఉత్తమ పద్ధతులను అనుసరించడం ప్రాముఖ్యతపై అవగాహన పెంచడానికి అబుధాబి సిటీ మునిసిపాలిటీ ఈ తనిఖీలను నిర్వహించింది. మదీనాట్ జాయెద్ మునిసిపాలిటీ సెంటర్ నుండి ఇన్‌స్పెక్టర్లు తనిఖీల్లో పాల్గొన్నారు. మహ్మద్ బిన్ జాయెద్ సిటీ, అల్ రహా బీచ్, షాఖ్‌బౌట్ సిటీ మరియు రబ్దాన్ సిటీ పాంతాలలో తనిఖీలు నిర్వహించారు. ఈ సందర్భంగా కాస్మెటిక్ మెటీరియల్స్, ఆరోగ్య అవసరాలకు ఉపయోగించే ఉత్పత్తులను పరిశీలించారు.  ఉపయోగించిన సౌందర్య సాధనాలు, తయారీ పద్ధతులను ఇన్‌స్పెక్టర్లు పరిశీలించారు.  సేవలను అందించేటప్పుడు యూనిఫాం ధరించమని ఉద్యోగులకు సూచించారు. సెలూన్లు, బ్యూటీ మరియు ఫిట్‌నెస్ కేంద్రాల శుభ్రతపై అనేక నిర్వాహకులకు సూచనలు చేశారు.