‘ఇచ్చట వాహనాలు నిలపరాదు’ అనే ఓ చిన్న సినిమాతో టాలీవుడ్‌కి పరిచయమైన అందాల బ్యూటీ మీనాక్షి చౌదరి. తర్వాత ‘ఖిలాడీ’ సినిమాలో నటించి హిట్ కొట్టింది.

ఈ మధ్యనే అనుకోకుండా మహేష్ బాబు ‘గుంటూరు కారం’లో సూపర్ ఛాన్స్ కొట్టేసింది. పూజా హెగ్డే ఈ ప్రాజెక్ట్ నుంచి తప్పుకోవడంతో ఆ ప్లేస్ మీనాక్షిని వరించేసింది. 

ఇక్కడితో అమ్మడి అదృష్టం ఆగినట్లు లేదండోయ్. మెగా కాంపౌండ్‌ని టచ్ చేసేసిందిప్పుడు. మెగా ప్రిన్స్ వరుణ్ తేజ్ కొత్త సినిమాలో మీనాక్షి చౌదరి హీరోయిన్‌గా ఎంపికైందట. 

‘పలాస’ మూవీ డైరెక్టర్ కరుణ్ కుమార్‌తో వరుణ్ తేజ్ ఓ సినిమాకి కమిట్ అయ్యాడు. ఈ సినిమాకే మీనాక్షి చౌదరి, వరుణ్ తేజ్‌తో ఆన్ స్ర్కీన్ రొమాన్స్‌కి సిద్ధమైందట. ‘మట్కా’ అనే టైటిల్‌ని ఈ సినిమాకి ఫిక్స్ చేసినట్లు తెలుస్తోంది. ప్రస్తుతం ‘గాంఢీవధారి అర్జున’ సినిమాతో పాటూ, మరో సినిమాలోనూ వరుణ్ తేజ్ నటిస్తున్న సంగతి తెలిసిందే.