ఆటిట్యూడ్ హీరో విశ్వక్ సేన్ కొత్త సినిమా వస్తోందంటే చాలు.. ఎక్కడ లేని కాంట్రవర్సీలు పుట్టించి సినిమాని ప్రమోట్ చేసుకుంటూ వుంటాడు. అది ఆయన ప్రత్యేకత. 

అయితే, ప్రస్తుతం విశ్వక్ సేన్ చేతిలో చాలానే ప్రాజెక్టులున్నాయనుకోండి. వీటితో పాటూ, ఈ మధ్య సూపర్ సక్సెస్ అయిన కొన్ని క్రేజీ ప్రాజెక్టులు విశ్వక్ సేన్ వదులుకున్నాడన్న ప్రచారం కూడా వుంది. 

ఆ సంగతి అటుంచితే, తాజాగా విశ్వక్ సేన్ తన 11 వ సినిమాని అనౌన్స్ చేయబోతున్నాడు. ఈ సినిమా కోసం విశ్వక్ సేన్ తన మునుపటి గెటప్‌లో కనిపించబోతున్నాడు.

ఆయన కెరీర్ మొదట్లో నటించిన ‘ఫలక్‌నుమా దాస్’ సినిమాలో కంప్లీట్ మాస్ అవతార్‌లో కనిపిస్తాడు. ఆ తర్వాత వచ్చిన సినిమాల్లో ఆటిట్యూడ్ చూపించినా చాక్లెట్ బోయ్‌లా యూత్‌కి కనెక్ట్ అయ్యాడు. ఇప్పుడు మళ్లీ రగ్గ్‌డ్ అండ్ మాస్ అవతారమెత్తబోతున్నాడట విశ్వక్ సేన్. 

ఈ సినిమాకి సంబంధించిన ఫస్ట్ లుక్, టైటిల్ గ్లింప్స్ జూలై 31న ప్రకటించబోతున్నారు. కృష్ణ చైతన్య ఈ సినిమాకి దర్శకుడు. హీరోయిన్ తదితర వివరాలు తెలియాల్సి వుంది.