‘రొమాంటిక్’ సినిమాతో సినిమాలకు పరిచయమైన ముద్దుగుమ్మ కేతిక శర్మ. డబ్ స్మాషర్‌గా సోషల్ మీడియాలో బోలెడంత ఫాలోయింగ్ వున్న కేతిక శర్మకు పూరీ జగన్నాధ్ ‘రొమాంటిక్’ సినిమాలో ఛాన్సిచ్చాడు.

ఆ తర్వాత అలా అలా సినిమాలు చేస్తూ వస్తున్నప్పటికీ, ఒకానొక టైమ్‌లో కేతిక కెరీర్ వేస్ట్ అయిపోయిందనుకున్నారంతా. 

అయితే, ఎవరి అదృష్టం ఎప్పుడు.? ఎలా.? తిరుగుతుందో తెలీదు కదా.. ‘బ్రో’ రూపంలో కేతికకు టైమొచ్చింది. నిజానికి ఈ సినిమాలో కేతికకు పెద్ద ఇంపార్టెన్స్ లేకపోయినప్పటికీ, ఈ సినిమాకి బ్యాక్ బోన్‌లా వ్యహరించిన త్రివిక్రమ్ దృష్టిలో కేతిక పడడం విశేషం. 

అన్ని రకాలా కేతిక టాలెంట్ గుర్తించిన త్రివిక్రమ్ శ్రీనివాస్, తదుపరి సినిమాలో ఛాన్స్ ఇస్తానని మాటిచ్చాడట. త్రివిక్రమ్ శ్రినివాస్ సినిమాలన్నీ బడా మూవీసే వుంటాయ్ దాదాపుగా.

ప్రస్తుతం మహేష్ బాబుతో సినిమా చేస్తున్నాడు త్రివిక్రమ్. ఈ సినిమా కోసం ఆల్రెడీ హీరోయిన్లు సెట్ అయిపోయిన సంగతి తెలిసిందే. ఇక, ఆ తరువాతి సినిమా అంటే అల్లు అర్జున్‌తో వుండొచ్చు. సో, ఆ సినిమాలోనే కేతికకు ఛాన్సిచ్చేస్తాడేమో చూడాలి మరి.