యూఏఈ: కొత్త పన్ను విధానాలు, జరిమానాలు , మినహాయింపులకు సంబంధించి కొత్త నిర్ణయాలను యూఏఈ  క్యాబినెట్ జారీ చేసింది. 2023 క్యాబినెట్ ఆర్డర్ 75 ప్రకారం.. ఫెడరల్ టాక్స్ అథారిటీ (FTA) ద్వారా ఆగస్టు 1 నుండి కార్పొరేట్ పన్ను చట్టానికి సంబంధించిన ఉల్లంఘనలకు పాల్పడే పన్ను విధించదగిన వ్యక్తులపై, ఒక వ్యక్తి లేదా చట్టపరమైన సంస్థ, అడ్మినిస్ట్రేటివ్ జరిమానాలు విధించబడతాయి.  సకాలంలో కార్పొరేట్ పన్నును ఫైల్ చేయడంలో మరియు చెల్లించడంలో విఫలమైన సందర్భాల్లో జరిమానాలు వర్తిస్తాయి.     

కొత్త నిబంధనలకు అనుగుణంగా ఉండే యూఏఈ వ్యాపారాలపై భారం పడకుండా కార్పొరేట్ పన్ను చట్టాన్ని విజయవంతంగా అమలు చేయడానికి కొత్త నిబంధనలను తీసుకొచ్చినట్లు మంత్రిత్వ శాఖ వివరించింది.  "కార్పోరేట్ పన్ను చెల్లింపు అనేది యూఏఈలో కార్పొరేట్ పన్ను వ్యవస్థ అమలుకు మద్దతు ఇవ్వడం పన్ను చెల్లించే వ్యక్తులందరి బాధ్యత. ఇది అత్యధిక ప్రపంచ ప్రమాణాలకు అనుగుణంగా ఉంటుంది." అని ఫైనాన్స్ మంత్రిత్వ శాఖ అండర్ సెక్రటరీ యూనిస్ హాజీ అల్ ఖూరి అన్నారు.  

మాక్స్‌గ్రోత్ కన్సల్టింగ్ మేనేజింగ్ డైరెక్టర్ మయాంక్ సాహ్నీ మాట్లాడుతూ..యూఏఈలో వ్యాట్, ఎక్సైజ్ పన్ను మరియు కార్పొరేట్ పన్నులకు సంబంధించి వర్తించే పన్ను విధానాలపై కొత్త ఎగ్జిక్యూటివ్ రెగ్యులేషన్స్ 2023 క్యాబినెట్ డెసిషన్ నంబర్ (74) ద్వారా జారీ చేయబడిందన్నారు. ఇది అన్ని వ్యాపారాలపై ఆగస్టు 1 నుండి అమలులోకి వస్తుందన్నారు. ఈ చట్టం ప్రకారం, 11 కీలక మార్పులు చేసినట్టు తెలిపారు. వ్యాపారాలు ఇప్పుడు అన్ని అకౌంటింగ్ పత్రాలను కలిగి ఉండాలి. రియల్ ఎస్టేట్ కోసం లావాదేవీలు నిర్వహించిన సంవత్సరం ముగింపు నుండి ఏడు సంవత్సరాల పాటు నిర్వహించబడాలి. ఇంతకుముందు 15 సంవత్సరాలుగా ఉండేది. పన్నుకు సంబంధించిన పత్రాలు ఇంగ్లీష్ లేదా అరబిక్ భాషాల్లో సమర్పించవచ్చు.  ప్రతి వ్యాపారంపై ప్రాథమిక డేటా మరియు సమాచారాన్ని 20 వ్యాపార రోజులలోపు వారు ట్రేడ్ లైసెన్స్‌ని జారీ చేసిన లేదా పునరుద్ధరించారని వివరించారు.