మస్కట్: ఆగస్ట్ నెలలో నాలుగు రోజుల పాటు ధోఫర్‌లో “నామా వీక్” ప్రారంభం కానుంది. ధోఫర్ సర్వీసెస్ సివిల్ డిఫెన్స్ మరియు అంబులెన్స్ అథారిటీ,  ధోఫర్ మునిసిపాలిటీ సహకారంతో నామా గ్రూప్ ధోఫర్‌లో ‘‘నామా వీక్"ని ఆగస్టు 6 నుండి 10 వరకు నిర్వహించనున్నారు. పర్యావరణాన్ని పరిరక్షించడం, ఇంటి భద్రతను సాధించడం ప్రాముఖ్యతపై అవగాహన పెంచడం, అలాగే దోఫర్ గవర్నరేట్‌లోని స్థానిక సంఘం మరియు సంబంధిత సంస్థలతో ప్రజల భాగస్వామ్యాన్ని ప్రోత్సహించడం ఈ కార్యక్రమ ప్రధాన లక్ష్యం. "నామా వీక్ ఇన్ ధోఫర్" ప్రచారం వినూత్న కార్యక్రమాల ద్వారా ఆర్థిక, సామాజిక మరియు పర్యావరణ సుస్థిరతను ప్రోత్సహించడం లక్ష్యంగా పెట్టుకుంది.  దీంతోపాటు  పర్యావరణాన్ని మరియు దాని అందాన్ని పరిరక్షించడంలో సమాజాన్ని సహకరించేలా ప్రోత్సహించే లక్ష్యంతో కంపెనీ కొన్ని పర్యావరణ కార్యక్రమాలను నిర్వహిస్తుంది.