‘లవ్ స్టోరీ’ సినిమాతో సూపర్ హిట్ కొట్టిన అక్కినేని హీరో నాగ చైతన్యకు, ‘కస్టడీ’ రూపంలో ఫెయిల్యూర్ దెబ్బ తగిలింది. దాంతో, తదుపరి సినిమా విషయంలో కాస్త ఆచి తూచి అడుగులేయబోతున్నాడు.

ఆ నేపథ్యంలోనే చందూ మొండేటితో చేతులు కలిపాడు. గతంలో ‘సవ్యసాచి’ సినిమాలో నటించాడు చందూ మొండేటి దర్శకత్వంలో నాగ చైతన్య. తాజాగా ‘కార్తికేయ 2’ సినిమాతో సెన్సేషనల్ హిట్ అందుకున్నాడు డైరెక్టర్‌గా చందూ మొండేటి. 

ఇటీవల చైతూ వద్దకు ఓ డిఫరెంట్ కాన్సెప్ట్ పట్టుకుని వచ్చాడట. వైజాగ్ పోర్ట్ నేపథ్యంలో మత్స్యారుల జీవితాలకు సంబంధించిన కాన్సెప్ట్ అనీ తెలుస్తోంది. ఈ కథ చైతూకి బాగా నచ్చిందట. దాంతో, ఆ సినిమా చేసేందుకు గ్రీన్ సిగ్నల్ ఇచ్చేశాడట. 

త్వరలోనే ఈ ప్రాజెక్ట్ సెట్స్ మీదికెళ్లనుందనీ తెలుస్తోంది. ఈ లోపు కథకు అనుగుణంగా వైజాగ్ పోర్టు వద్ద మత్స్యకారుల జీవితాలకు సంబంధించిన ఆసక్తికరమైన విషయాల్ని తెలుసుకోవడంలో ఇటు డైరెక్టర్, అటు చైతూ ఇద్దరూ బిజీ అయిపోయారట. చూడాలి మరి, ఇంతవరకూ చైతూ టచ్ చేయని ఈ డిఫరెంట్ సబ్జెక్ట్‌తోనైనా హిట్టు కొడతాడేమో.!