బహ్రెయిన్: బహ్రెయిన్ లో రికార్డు స్థాయిలో విద్యుత్ వినియోగం నమోదైంది. వేసవి ఉష్ణోగ్రతలు పెరగడం కారణంగా ఎయిర్ కండిషనింగ్ సిస్టమ్‌ల వినియోగం పెరగడంతో విద్యుత్ వినియోగం పెరిగిందని అధికారులు తెలిపారు. అత్యంత ఉష్ణోగ్రతలు నమోదవుతున్న  ప్రాంతాలలో ఒకటైన మనామా పరిధిలో గురువారం 3,798 మెగావాట్ల అత్యధిక విద్యుత్ వినియోగ రేటును నమోదు అయిందని మనామా విద్యుత్ మరియు నీటి అథారిటీ వెల్లడించింది. గత సంవత్సరం 3,708 మెగావాట్ల రికార్డును అధిగమించడం విశేషం. గురువారం నాడు స్థానికంగా ఉష్ణోగ్రతలు 40 డిగ్రీల సెల్సియస్ (104 డిగ్రీల ఫారెన్‌హీట్)కు చేరుకున్నాయి. యునైటెడ్ అరబ్ ఎమిరేట్స్ ఈ ఏడాది చివర్లో ఐక్యరాజ్యసమితి వాతావరణ శిఖరాగ్ర సమావేశానికి ఆతిథ్యం ఇవ్వడానికి సిద్ధమవుతున్నందున వాతావరణ మార్పుల ప్రభావాలను తగ్గించే ప్రయత్నాలు గల్ఫ్‌లో వేగం పుంజుకున్నాయి. COP28 నవంబర్, డిసెంబర్‌లలో యూఏఈ వ్యాపార కేంద్రమైన దుబాయ్‌లో జరుగుతుంది.