తమిళ హీరో కార్తికి తెలుగులోనూ మంచి మార్కెట్ వుంది. తనదైన నటనతో తెలుగు ప్రేక్షకుల్నీ బాగా ఆకట్టుకుంటున్నాడు హీరో కార్తి. ‘ఊపిరి’ సినిమాతో డైరెక్ట్‌గా తెలుగు సినిమాలో నటించేశాడు కార్తి. 

తెలుగు, తమిళం అనే భాషా బేధం లేకుండా కార్తిని నిజంగానే అందరూ ప్రత్యేకంగా అభిమానిస్తుంటారు. కార్తి నటించిన ‘ఖైదీ’ తదితర సినిమాలు ఆయన రేంజ్‌ని ఎక్కడికో తీసుకెళ్లిపోయాయ్.

తాజాగా ‘జపాన్ మేడ్ ఇన్ ఇండియా’ సినిమాతో కార్తి ప్రేక్షకుల ముందుకు రాబోతున్నాడు. ఇటీవలే విడుదల చేసిన ఈ సినిమా ట్రైలర్ విశేషంగా అందర్నీ ఆకట్టుకున్న సంగతి తెలిసిందే.

గోల్డ్ స్మగ్లింగ్ చేసే వ్యక్తిగా ఈ సినిమాలో కార్తి కనిపించబోతున్నాడు. డిఫరెంట్ గెటప్స్.. డిఫరెంట్ మ్యానరిజమ్స్‌తో ‘జపాన్’ ఇప్పటికే ఓ రేంజ్ ట్రెండింగ్ అయిపోతున్నాడు. ఇక, రిలీజ్ తర్వాత ఈ సినిమా ఏ స్థాయిలో సెన్సేషన్ అవుతుందో చూడాలి మరి.

అన్నట్లు ఈ సినిమాకి ప్రీ రిలీజ్ బిజినెస్ గతంలో కార్తి నటించిన ఏ సినిమాకీ లేనంత విధంగా జరిగిందట. దాదాపు 150 కోట్ల బిజినెస్ జరిగిందనీ ట్రేడ్ వర్గాల అంచనా.