మెగా పవర్ స్టార్ రామ్ చరణ్ ప్రధాన పాత్రలో తెరకెక్కుతోన్న సినిమా ‘గేమ్ ఛేంజర్’. శంకర్ దర్శకత్వంలో ఈ సినిమా తెరకెక్కుతోన్న సంగతి తెలిసిందే. అయితే, శంకర్ ‘ఇండియన్ 2’ సినిమాతో బిజీగా వుండడం వల్ల ఈ సినిమాని లైట్ తీసుకున్నారన్న టాక్ వినిపించింది ఈ మధ్య.

అయితే, ఇప్పటికే ఈ సినిమా 70 శాతం షూటింగ్ పూర్తి చేసుకుందనీ, నవంబర్ నాటికి షూటింగ్ పూర్తి కానుందనీ తాజా సమాచారం. అలాగే ఈ సినిమాలో రామ్ చరణ్ డ్యూయల్ రోల్ పోషిస్తున్న సంగతి ఇప్పటికే లీక్ అయిన సంగతి తెలిసిందే.

అందులో ఒకటి రాజకీయ నాయకుడి పాత్ర కాగా, ఇంకోటి ఐఏఎస్ అధికారి పాత్ర అని తెలుస్తోంది. తండ్రీ కొడుకుల పాత్రలనీ తెలుస్తోంది. తండ్రి పాత్ర పేరు అప్పన్న, కొడుకు పాత్ర పేరు రామ్ నందన్ కుమార్.. అని తాజాగా ఓ న్యూస్ బయటికొచ్చింది. సమాజ హితం కోరే ఓ మంచి పొలిటీషియన్ పాత్రగా అప్పన్న పాత్ర వుండబోతోందట. అంజలి ఈ పాత్రకు జోడీగా నటిస్తోంది. అలాగే, యంగ్ రామ్ చరణ్ పాత్రకు కైరా అద్వానీ జోడీగా నటిస్తోంది.