పంచదార కంటే బెల్లం ఆరోగ్యానికి ఎంతో మేలు చేస్తుందని మన పెద్దలు చెబుతుంటారు. కానీ, పంచదారనే ఎక్కువగా మనం ఇష్టపడుతుంటాం. బెల్లం తినడం వల్ల కలిగే ఆరోగ్య ప్రయోజనాలు తెలిస్తే ఖచ్చితంగా బెల్లాన్ని డైలీ మెనూలో చేర్చుకుంటాం.
బెల్లంలో కాల్షియం, మెగ్నీషియం, విటమిన్ బి, ఇ అధికంగా వుంటాయ్. కాల్షియం అధికంగా వుండడం వల్ల ఎముకలు దృడంగా వుంటాయ్. అలాగే, విటమిన్ బి, ఇ కారణంగా మలబద్ధకం సమస్యతో పాటూ, మహిళల్లో రుతుక్రమం తదితర సమస్యలకు చెక్ పెట్టొచ్చు.
బెల్లం రోజూ తినడం వల్ల రక్త హీనత సమస్య దరి చేరదు. రక్తపోటు అదుపులో వుండడం వల్ల శరీరానికి తగిన శక్తి లభిస్తుంది. రోజంతా ఉత్సాహంగా ఉల్లాసంగా వుంటారు. 
బెల్లం, సోంపు కలిపి తింటే నోటి దుర్వాసన సమస్యలు దరి చేరవు. అలాగే, నువ్వులతో కలిపి బెల్లాన్ని తీసుకుంటే, శరీరానికి శక్తితో పాటూ, జలుబు, దగ్గు వంటి సీజనల్ ఫ్లూ నుంచి దూరంగా వుండొచ్చు.