యూఏఈ:  లాగ్ ఇన్ పద్ధతిలో మార్పులు చేసినట్టు నివాసితులకు యూఏఈ పబ్లిక్ ప్రాసిక్యూషన్ తెలియజేసింది. కొత్త మార్పులు ఆగస్టు 31న అమల్లోకి వస్తాయని అధికార యంత్రాంగం ట్విట్టర్‌లో పోస్ట్‌లో పేర్కొంది. యూఏఈ నివాసితులు ఇకపై యూఏఈ పాస్‌ను ఉపయోగించడం ద్వారా పబ్లిక్ ప్రాసిక్యూషన్‌కు లాగిన్ కావచ్చు. యూఏఈ పాస్ యాప్ యాపిల్ స్టోర్, గూగుల్ ప్లే స్టోర్‌లో అందుబాటులో ఉంది.

ఇది ఎలా పని చేస్తుందంటే..
డౌన్ లోడ్ తర్వాత వినియోగదారులు వారి ఎమిరేట్స్ ఐడీని స్కాన్ చేయడం, డేటాను ధృవీకరించడం, పిన్(PIN)ని సెట్ చేయడం, ముఖ గుర్తింపు ద్వారా ఖాతాను ధృవీకరించడం ద్వారా వారి డిజిటల్ గుర్తింపు ఖాతాను యాక్టివేల్ చేయొచ్చు. అనంతరం యూఏఈ పాస్‌ని సెటప్ చేసి, యాక్టివేట్ చేసిన తర్వాత యూజర్‌లు యూజర్‌నేమ్‌లు, పాస్‌వర్డ్‌లు లేకుండా స్మార్ట్‌ఫోన్ యాప్ ద్వారా సేవలను యాక్సెస్ కావచ్చు. పత్రాలపై డిజిటల్‌గా సంతకం చేయవచ్చు.  యూఏఈ పాస్ వివిధ వెబ్‌సైట్‌లు, యూఏఈ అంతటా ప్రభుత్వ మరియు పాక్షిక-ప్రభుత్వ సంస్థలు, ప్రైవేట్ కంపెనీల కోసం అప్లికేషన్‌లకు సురక్షితమైన లాగిన్ విధానాన్ని అందిస్తుంది. ఇది స్థానిక, సమాఖ్య ప్రభుత్వాలు మరియు ప్రైవేట్ రంగంలో 130 కంటే ఎక్కువ సంస్థలు అందించిన 6,000 కంటే ఎక్కువ సేవలకు వినియోగదారులకు యాక్సెస్‌ను అందిస్తుంది.