యంగ్ టైగర్ ఎన్టీయార్ తాజా చిత్రం కొరటాల శివ దర్శకత్వంలో తెరకెక్కుతోన్న సంగతి తెలిసిందే. ‘దేవర’ అనే టైటిల్‌తో రూపొందుతోన్న ఈ సినిమా నుంచి లేటెస్ట్‌గా విలన్ రోల్‌ని పరిచయం చేస్తూ ఓ పోస్టర్ రిలీజ్ చేశారు.

బాలీవుడ్ నటుడు సైఫ్ అలీఖాన్ ఈ సినిమాలో నెగిటివ్ రోల్ పోషిస్తున్న సంగతి తెలిసిందే. ఆయన పుట్టినరోజు సందర్భంగా రిలీజ్ చేసిన పోస్టర్‌లో ఆయన క్యారెక్టర్ పేరు ‘బైరా’గా ప్రస్థావించారు. 

‘దేవర’, ‘బైరా’.. పేర్ల చివర ‘ర’ కామన్‌గా వుండడంతో, వీరిద్దరూ అన్నదమ్ములై వుంటారనీ సోషల్ మీడియాలో కొందరు కథనాలు వేడి వేడిగా వడ్డించేస్తున్నారు.

ఇంకొందరైతే ఇంకాస్త ముందుకెళ్లి వీరిద్దరి మధ్యా వైరాన్ని కూడా కథలుగా అల్లేస్తున్నారు. అన్న అరాచకాలను ఖండించే తమ్ముడి కథే ‘దేవర’ అంటూ ప్రచారం చేస్తున్నారు.

అసలు కథేంటన్నది ముందు ముందు తెలియాల్సి వుంది. చావంటే భయం లేని మానవ మృగాలకి చావు భయం చూపించే వ్యక్తి కథే.. ‘దేవర’ అని కొరటాల శివ ఫస్ట్ లుక్ ద్వారా హింట్ ఇచ్చిన సంగతి తెలిసిందే. 

అంటే ఈ సినిమాలో విలన్ రోల్ ఎంత పవర్ ‌ఫుల్‌గా వుండబోతోందో కొరటాల శివ ఎప్పుడో చెప్పకనే చెప్పేశారన్న మాట. అన్నట్లు బాలీవుడ్ బ్యూటీ జాన్వీ కపూర్ ఈ సినిమాలో హీరోయిన్‌గా నటిస్తున్న సంగతి తెలిసిందే.