యూఏఈ: నివాసితులు ఉష్ణోగ్రతలలో స్వల్ప తగ్గుదలని గమనించి ఉండవచ్చు.  ఎందకంటే మండుతున్న వేసవి ఉష్ణోగ్రతల ముగింపును సూచించే నక్షత్రం ఆగస్టు 24న కనిపించనుంది.  ఆగస్టు 21 నాటికి పగటి వేళలు 13 గంటలకంటే తక్కువకు తగ్గాయి. వచ్చే ఏడాది ఏప్రిల్ 21 వరకు ఇదే పరిస్థితి ఉంటుందని ఎమిరేట్స్ ఆస్ట్రోనామికల్ సొసైటీ చైర్మన్ ఇబ్రహీం అల్ జర్వాన్ తెలిపారు. శీతాకాలం నెమ్మదిగా ప్రవేశిస్తున్నందున ఈ రోజు నుండి ఏప్రిల్ 21 వరకు పగటి సమయాలు 13 గంటల కంటే తక్కువకు తగ్గుతాయని, అక్టోబర్ 2 -ఏప్రిల్ 11 మధ్య 11 గంటల కంటే తక్కువగా చేరే అవకాశం ఉందన్నారు.  దాదాపు 45 రోజుల తర్వాత అక్టోబర్ 2న పగలు , రాత్రి సమానంగా మారతాయన్నారు.