ఒకప్పుడు స్టార్ హీరోయిన్లలో శృతి హాసన్ పేరు కూడా ముందు వరుసలో వుంటుంది. కానీ, ఇప్పుడు పరిస్థితి వేరే. ఈ ఏడాది సంక్రాంతికి రెండు పెద్ద సినిమాల్లో శృతి హాసన్ నటించింది. 

కానీ, వాటి వల్ల ఆమెకు పెద్దగా ఒరిగిందేమీ లేదనే చెప్పాలేమో. మెగాస్టార్ చిరంజీవితో ‘వాల్తేర్ వీరయ్య’, నందమూరి బాలకృష్ణ‌తో ‘వీర సింహా రెడ్డి’ సినిమాల్లో నటించిన శృతి హాసన్ ఇప్పుడు ‘సలార్’ సినిమాలో నటిస్తోంది.

అయినా ఎక్కడా శృతి హాసన్ పేరు వినిపించనే వినిపించడం లేదు. తాజాగా ఆమె పేరు బయటికొచ్చింది. శృతి హాసన్ రెమ్యునరేషన్ విషయంలో కాస్త కిరికిరి చేస్తోందట అంటూ ఓ ప్రచారం తెర పైకి వచ్చింది.

కోటి, కోటిన్నర వరకూ రెమ్యునరేషన్ అడుగుతోందనీ తెలుస్తోంది. అయితే, అంత డిమాండ్ చేసేలా శృతి హాసన్‌కి ప్రస్తుతం ఫేమ్ లేదే.. అని అందరూ పెదవి విరిచేస్తున్నారట. 

అవును.. అదీ నిజమే.. పెద్ద పెద్ద ప్రాజెక్టులే టేకప్ చేస్తున్నప్పటికీ ఆ స్థాయిలో శృతి హాసన్‌కి ఆయా సినిమాలు బజ్ క్రియేట్ చేయడం లేదనే చెప్పాలేమో. మరి, ఈ దుష్ప్రచారం ఎందుకు బయటికి వచ్చిందో కానీ, తూచ్.! అలాంటిదేం లేదట అంటూ శృతి హాసన్ సన్నిహిత వర్గాల ద్వారా అందుతోన్న సమాచారం.