‘బేబీ’ సినిమాతో ఆనంద్ దేవరకొండ టాలెంట్ ఏంటో అందరికీ తెలిసింది. అప్పటి వరకూ ఆనంద్ నటించిన ‘దొరసాని’ తదితర సినిమాలూ సో సోగా ఆకట్టుకున్నాయంతే.

‘బేబీ’తో పవర్ ఫుల్ సక్సెస్ కొట్టేశాడీ యంగ్ హీరో. సినిమా అంతా సెటిల్డ్ పర్‌ఫామెన్స్ ఇవ్వడమే కాకుండా, యూత్‌ని మెప్పించాడు తనదైన నటనతో ఆనంద్ దేవరకొండ.

దీంతో, ఆనంద్ చేయబోయే తదుపరి సినిమాల గురించి ఆరా మొదలు పెట్టారు. ఆనంద్ ప్రస్తుతం ‘గం గం గణేశా’ అనే చిత్రంలో నటిస్తున్నాడు. ఈ సినిమాకి చైతన్ భరద్వాజ్ శెట్టి దర్శకత్వం వహిస్తున్నాడు. 

ప్రగతి శ్రీ వాత్సవ్, కరిష్మా హీరోయిన్లుగా నటిస్తున్నారు. ఇదో క్రైమ్ థ్రిల్లర్ మూవీ అని తెలుస్తోంది. ‘బేబీ’తో పెరిగిన అంచనాల్ని తదుపరి సినిమాతో ఆనంద్ దేవరకొండ కంటిన్యూ చేస్తాడో లేదో చూడాలి మరి.