యూఏఈ: ప్రపంచవ్యాప్తంగా ఉన్న 82 దేశాల పౌరులు ముందుగా వీసా పొందకుండానే యూఏఈలోకి ప్రవేశించవచ్చు. సందర్శకులు వచ్చాక 30-రోజుల ప్రవేశ వీసా, 90-రోజుల వీసాలను పొందవచ్చు. GCC దేశాలకు చెందిన వారు ప్రవేశించడానికి వారి పాస్‌పోర్ట్‌లు లేదా వారి గుర్తింపు కార్డును ఉపయోగించవచ్చు. వారికి వీసా లేదా స్పాన్సర్ అవసరం లేదు.

సాధారణ పాస్‌పోర్ట్‌ను కలిగి ఉన్న భారతీయ పౌరులు 14 రోజుల ప్రవేశ వీసాను రాగానే పొందవచ్చు. అనంతరం 14 రోజుల పొడిగింపు కోసం దరఖాస్తు చేసుకోవచ్చు. అయినప్పటికీ, వారి పాస్‌పోర్ట్ తప్పనిసరిగా చేరిన తేదీ నుండి కనీసం 6 నెలల పాటు చెల్లుబాటులో ఉండాలి. ప్రయాణీకుడు తప్పనిసరిగా యునైటెడ్ స్టేట్స్, యునైటెడ్ కింగ్‌డమ్ లేదా ఏదైనా ఈయూ దేశం జారీ చేసిన విజిట్ వీసా లేదా శాశ్వత నివాసం కార్డును కలిగి ఉండాలి. వీసా రహిత ప్రవేశం లేదా అరైవల్ వీసా కోసం అర్హత లేని సందర్శకులు దేశంలోకి ప్రవేశించే ముందు వారి స్పాన్సర్ జారీ చేసే ఎంట్రీ పర్మిట్ అవసరమని అధికారం యంత్రాంగం పేర్కొంది. యూఏఈ మంత్రిత్వ శాఖ అధికారిక వెబ్‌సైట్‌లోని తాజా సమాచారం ప్రకారం.. 115 దేశాల పౌరులు యూఏఈలోకి ప్రవేశించడానికి వీసా అవసరం. విదేశీ వ్యవహారాల మంత్రిత్వ శాఖ యూఏఈని సందర్శించడానికి ఆసక్తి ఉన్నవారిని దాని అధికారిక వెబ్‌సైట్‌లో తాజా వీసా అప్‌డేట్‌ల కోసం తనిఖీ చేయమని ప్రోత్సహిస్తుంది. వీసా అవసరాల వివరాలను ఫెడరల్ అథారిటీ ఫర్ ఐడెంటిటీ అండ్ సిటిజెన్‌షిప్ అధికారిక వెబ్‌సైట్‌లో కూడా చూడవచ్చు. లేదంటే, తాజా సమాచారం కోసం విమానయాన సంస్థలను కూడా సంప్రదించవచ్చని తెలిపింది.