రియాద్: సౌదీ అరేబియా సంస్కరణ కార్యక్రమాలపై అంతర్జాతీయ ద్రవ్య నిధి (IMF) ప్రశంసలు కురిపించింది. సౌదీ అరేబియా ప్రస్తుతం బలమైన ఆర్థిక వృద్ధిని నమోదు చేస్తోందని, బలమైన ఆర్థిక స్థితిలో ఉందని, ప్రతిష్టాత్మకమైన సౌదీ విజన్ 2030 సంస్కరణ ఎజెండాను అమలు చేయడంలో చెప్పుకోదగ్గ పురోగతిని సాధిస్తుందని ఐఎమ్ఎఫ్ తన నివేదికలో పేర్కొంది. సౌదీ అరేబియా 2022లో వేగంగా అభివృద్ధి చెందుతున్న G20 ఆర్థిక వ్యవస్థలలో ఒకటిగా ప్రశంసించబడింది. ఇది 8.7% వృద్ధి రేటును నమోదు చేసింది. చమురుయేతర GDP కూడా దాదాపు 4.8% కి చేరింది. సౌదీ పౌరులలో నిరుద్యోగం చారిత్రాత్మకంగా కేవలం 8%కి చేరుకుందని పేర్కొంది. సౌదీ విజన్ 2030 ద్వారా నిర్దేశించబడిన 2030 లక్ష్యమైన 30%ని అధిగమించి, లేబర్ మార్కెట్‌లో మహిళల భాగస్వామ్యాన్ని పెంచడంలో సౌదీ అరేబియా చెప్పుకోదగ్గ పురోగతిని సాధించింది.  మహిళలు లేబర్ మార్కెట్ లో 37% నికి చేరుకున్నారు.  ఈ తాజా IMF నివేదిక సౌదీ అరేబియాతో  2023 ఆర్టికల్ IV సంప్రదింపుల ముగింపు తర్వాత జారీ చేసింది.