దుబాయ్: తాజాగా దుబాయ్ డ్యూటీ ఫ్రీ మిలీనియం మిలియనీర్ ప్రమోషన్ కోసం బుధవారం దుబాయ్ ఇంటర్నేషనల్ ఎయిర్‌పోర్ట్ టెర్మినల్ 2లో డ్రా లో  $1 మిలియన్లను భారతీయ జాతీయుడు గెలుపొందాడు. యూఏఈలో ఉన్న సయ్యద్ అలీ బతుషా తివాన్షా అనే భారతీయ పౌరుడు మిలీనియం మిలియనీర్ సిరీస్ 434లో $1 మిలియన్ గెలుచుకున్నాడు. అతను ఆగస్టు 30న ఆన్‌లైన్‌లో కొనుగోలు చేసిన టిక్కెట్ నంబర్ 4392తో ఈ విజయాన్ని సాధించాడు. తివాన్షా ప్రస్తుతం తమ కాంటాక్ట్ లోకి రాలేదని, నిర్వాహకులు వెల్లడించారు. 1999లో మిలీనియం మిలియనీర్ ప్రమోషన్ ప్రారంభం నుండి $1 మిలియన్ గెలుచుకున్న 215వ భారతీయ జాతీయుడిగా అతను రికార్డు సృష్టించాడు.