దుబాయ్: ఇద్దరు ఎమిరాటీ సోదరీమణులు అమ్నా మరియు మైతా ముఫ్తాహ్ ముహమ్మద్, రస్ అల్ ఖైమాలోని ఔటర్ రోడ్‌లో ఓ కారు ప్రమాదానికి గురైనప్పడు అందులోని ఆసియాకు చెందిన ఐదుగురు కుటుంబసభ్యులను రక్షించారు.  పోలీసుల తెలిపిన వివరాల ప్రకారం.. కారు ప్రమాదానికి గురైన సమయంలో అందులోని కుటుంబసభ్యులను ఈ సోదరీమణులు ధైర్యంగా వారి వాహనం నుండి బయటకు లాగారు. ప్రమాద స్థలానికి అంబులెన్స్ మరియు రెస్క్యూ బృందాలు వచ్చే వరకు ఇద్దరూ వారికి ప్రథమ చికిత్స అందించారు. వారి ధైర్య సహసాలను గమనించిన రాస్ ఖైమా పోలీసులు, కమాండర్-ఇన్-చీఫ్ ఆఫ్ పోలీస్ మేజర్ జనరల్ అలీ అబ్దుల్లా బిన్ అల్వాన్ అల్-నుయిమి ఆదేశాల మేరకు బుధవారం (సెప్టెంబర్ 25) ఇద్దరు సోదరీమణులను సత్కరించారు.  అనంతరం వారు మాట్లాడుతూ.. రస్ అల్ ఖైమా విమానాశ్రయం నుండి తిరిగి వస్తుండగా బాధితుల కారు ప్రమాదానికి గురై కనిపించిందని, వెంటేనే తాము ఆలస్యం చేయకుండా వారికి సహాయం అందించినట్లు వివరించారు.